Bakı. Şəhriyar Əlizadə - APA. Yevlaxda avtomobil su kanalına aşıb.
APA-nın Fövqəladə Hallar Nazirliyinin (FHN) saytına istinadən verdiyi məlumata görə, hadisə Salahlı kəndində baş verib.
“Chevrolet” markalı minik avtomobili idarəetməni itirərək yol kənarındakı kanala düşüb. Nazirliyin Aran Reqional Mərkəzinin xilasediciləri hadisə yerinə cəlb olunaraq avtomobildə sıxılmış vəziyyətdə qalmış sərnişin, 1966-cı il təvəllüdlü Quliyeva Sevda Yunis qızının cəsədini çıxararaq aidiyyəti üzrə təhvil veriblər.