Bakı. Yeganə Laçınzadə - APA-Economics. Asiya İnkişaf Bankının (ADB) Bakı ofisinə yeni rəhbər təyin olunub. "APA-Economics" ADB-nin saytına istinadən xəbər verir ki, bu vəzifəyə Nəriman Mannapbekov gətirilib.
Təyinatını şərh edən N. Mannapbekov bildirib ki, bankla Azərbaycan arasında güclü əlaqələr var: "Mən bu əməkdaşlığın daha səmərəli davam etməsi üçün bu şərəfə layiq görülmüşəm. ADB-nin Azərbaycanla hal-hazırda əməkdaşlıq strategiyası nəqliyyat, enerji, su və şəhər infrastrukturuna əsaslanır və bizim məqsədimiz Azərbaycan hökuməti ilə bu sahələrdə olan səmərəli əməkdaşlığı təmin etmək, o cümlədən islahatlar aparmaqdır".
Qeyd edək ki, N. Mannapbekovun 50 yaşı var. O, Özbəkistanda doğulub. Bu vaxta qədər N. Manappbekov ADB-nin Mərkəzi və Qərbi Asiya bölgələrindəki ofislərində iqtisadçı kimi fəaliyyət göstərib. ADB ilə əməkdaşlıqdan əvvəl isə Özbəkistanın bir çox dövlət qurumlarında, o cümlədən Maliyyə Nazirliyinin Xarici İqtisadi İşlər müşaviri və baş nazirin beynəlxalq maliyyə və iqtisadi məsələlər üzrə köməkçisi vəzifələrində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
