Bakı. Vüsal Nəbiyev – APA-Economics. Ötən il ərzində “Aqrolizinq” ASC-nin xətti ilə kənd təsərrüfatı məhsulları istehsalçılarına ümumilikdə 59,2 mln. manat dəyərində kənd təsərrüfatı maşın və avadanlıqları verilib.
Bu barədə “APA-Economics”ə Dövlət Statistika Komitəsindən məlumat verilib.
Məlumata görə, qeyd olunan məbləğə 1 061 ədəd müxtəlif növ traktor, 759 ədəd kotan, 439 ədəd səpici aqreqat, 173 ədəd traktor yedəkləri (qoşqular), 162 ədəd otbiçən, 116 ədəd taxılyığan kombayn, 22 ədəd ot dırmıqları, 19 ədəd bağarası frez və 646 ədəd digər kənd təsərrüfatı maşın və avadanlıqları verilib.