Göyçay. Elvin Yaqubov - APA. Göyçay rayonunda 3 nəfərin xəsarəti alması ilə nəticələnən avtomobil qəzası baş verib. APA-nın yerli bürosunun xəbərinə görə, hadisə bu gün səhər saat 8:30 radələrində Bakı-Şamaxı-Yevlax avtomobil yolunun Göyçay şəhəri ərazisindən keçən hissəsində qeydə alınıb. 23-BX-428 dövlət nömrə nişanlı, “VAZ 21099” dövlət nömrə nişanlı minik avtomobili qarşı tərəfdən gələn 23-BJ-526 dövlət nömrə nişanlı, “VAZ 2106” markalı minik avtomobili ilə toqquşub.
Hadisə zamanı Göyçayın Ləkçiplaq kənd sakini, 1941-ci il təvəllüdlü İsmayılov Arif Məhəmməd oğlu, Şıxbəy kənd sakini, 1977-ci il təvəllüdlü Zalov Taleh Fazil oğlu və Ərəb kənd sakini, 1994-cü il təvəllüdlü Xəlilov Asif Asim oğlu müxtəlif dərəcəli bədən xəsarətləri ilə Göyçay Mərkəzi rayon Xəstəxanasına yerləşdirilib. Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
