Çexiyada bazar günü koronavirusdan ilk ölüm hadisəsi qeydə alınıb.
APA TASS-a istinadən xəbər verir ki, bu barədə jurnalistlərə Böhran Vəziyyətinə Qarşı Mübarizə Mərkəzi Qərargahının sədri, Səhiyyə nazirinin müavini Roman Prımula məlumat verib.
O bildirib ki, ölən 95 yaşlı kişi koronavirusa yoluxsa da, bir çox xəstəlikdən də əziyyət çəkirmiş: “Lakin bütün hallarda ölümünün əsas səbəbi COVID-19 olub. Bu, Çex Respublikasında koronavirusdan ilk ölüm kimi qeydə alınıb”.
Xatırladaq ki, Çexiyada koronavirusa yoluxma halı martın 1-də aşkarlanıb. Bu günədək 1120 nəfər virusa yoluxub. Son bir gündə isə 125 yoluxma təsdiqlənib. 6 nəfərin sağaldığı bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
