Daşkəsəndə iribuynuzlu heyvan daşıyan yük avtomobili dərəyə aşıb.
APA-nın qərb bürosunun verdiyi məlumata görə, hadisə Daşkəsən şəhərindən Xoşbulaq kəndinə gedən yolun Mədəncilər qəsəbəsi ərazisindən keçən hissəsində qeydə alınıb. “QAZel” markalı avtomobilin texniki nasazlıq ucbatından idarəetmədən çıxaraq yolun kənarında olan dərəyə aşması nəticəsində Goranboy rayon Yolqulular kənd sakinləri, 1972-ci il təvəllüdlü Sabir Məmmədov və 1962-ci il təvəllüdlü Əirəstun Məmmədov bədən xəsarətləri alaraq Gəncə şəhər Təcili Tibbi Yardım xəstəxanasına yerləşdiriliblər. Onlardan birinin vəziyyəti normal, digərinin durumu isə kafi qiymətləndirilir.
Məlumata görə, Goranboy sakinləri heyvanları yaylağa aparırmışlar. Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
