Gəncə. Azər Məmmədli - APA. Gəncədə 15 yaşlı oğlan özündən bir yaş böyük tanışını bıçaqlayıb.
Gəncə şəhər baş Polis İdarəsindən APA-nın qərb bürosuna verilən məlumata görə, hadisə şəhərin şərq hissəsində yerləşən uşaq bağçasının həyətində baş verib.
Gəncə şəhər sakini, 1998-ci il təvəllüdlü Sənan Əliyevlə 1997-ci il təvəllüdlü Miryusif Hüseynov arasında mübahisə yaranıb və S.Əliyev özündən bir yaş böyük M.Hüseynovu bıçaqlayıb. O, qarının kəsilmiş-deşilmiş yarası ilə Gəncə şəhər Təcili Tibbi Yardım Xəstəxanasına yerləşdirilib, vəziyyətinin orta ağır olduğu bildirilir.
Gəncə şəhər Baş Polis İdarəsində faktla bağlı araşdırma aparılır. M.Hüseynovu bıçaqlayan şəxsin tapılması istiqamətində əməliyyat-axtarış tədbirləri həyata keçirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
