Azərbaycan Milli Ödəniş Şurasının ilk iclası keçirilib
23 may 2012 13:55 (UTC +04:00)
Bakı – APA-Economics. Azərbaycan Mərkəzi Bankında (AMB) ölkənin ödəniş və qiymətli kağızlarla hesablaşmalar sistemlərinin təkmilləşdirilməsi üzrə siyasətin müəyyənləşdirilməsi və konseptual qərarların qəbul olunması məqsədilə yaradılan Milli Ödəniş Şurasının (MÖŞ) ilk iclası keçirilib.
AMB-dən «APA-Economics»ə verilən məlumata görə, iclasda çıxış edən Mərkəzi Bank sədrinin birinci müavini, Şuranın sədri Alim Quliyev ölkə prezidenti tərəfindən ölkədə nağdsız ödənişlər üzrə dövriyyənin ən qısa vaxtda inkişaf etmiş ölkələr səviyyəsinə çatdırılması, kartlardan geniş istifadənin təmin edilməsi məqsədilə bir sıra tapşırıqların verildiyini vurğulayaraq bu istiqamətdə ümumi işlərin əlaqələndirilməsi üçün MÖŞ-un yaradıldığını bildirib. A.Quliyev Mərkəzi Bank tərəfindən ölkədə elektron ödəniş sistemlərinin yaradılması və nağdsız hesablaşmaların həcminin artırılması istiqamətində bir sıra mühüm layihələrin həyata keçirildiyini qeyd edib.
AMB-nin Ödəniş sistemləri və hesablaşmalar Departamentinin direktoru K.Qurbanova isə MÖŞ-un yaradılması üzrə beynəlxalq təcrübə, onun fəaliyyətinin məqsədi və işinin təşkili, Milli Ödəniş Sisteminin mövcud vəziyyəti, digər ölkələrlə müqayisəli təhlili, həmçinin inkişaf perspektivləri barədə iclas iştirakçılarına məlumat verib. O, qeyd edib ki, hazırda Milli Ödəniş Sisteminin əsas komponentlərindən hesab edilən sistemlər - AZIPS, XÖHKS və KÖMİS müvəffəqiyyətlə istifadə olunur və bu sistemlərin istifadəyə verilməsi ilə banklararası hesablaşmaların tam elektronlaşdırılmasına nail olunub.
İclasda həmçinin elektron ödəniş xidmətlərinin inkişaf istiqamətləri və növbəti 5 il üçün strateji hədəflər müzakirə edilib və Milli Ödəniş Şurasının əsasnaməsi qəbul edilib.
Toplantıda MÖŞ-un üzvləri olan Mərkəzi Bank, Vergilər, Rabitə və İnformasiya Texnologiyaları nazirlikləri, Gömrük, Qiymətli Kağızlar üzrə dövlət komitələri və aparıcı kommersiya banklarının rəhbərlərik səviyyəsində nümayəndələri iştirak ediblər.
AMB-dən «APA-Economics»ə verilən məlumata görə, iclasda çıxış edən Mərkəzi Bank sədrinin birinci müavini, Şuranın sədri Alim Quliyev ölkə prezidenti tərəfindən ölkədə nağdsız ödənişlər üzrə dövriyyənin ən qısa vaxtda inkişaf etmiş ölkələr səviyyəsinə çatdırılması, kartlardan geniş istifadənin təmin edilməsi məqsədilə bir sıra tapşırıqların verildiyini vurğulayaraq bu istiqamətdə ümumi işlərin əlaqələndirilməsi üçün MÖŞ-un yaradıldığını bildirib. A.Quliyev Mərkəzi Bank tərəfindən ölkədə elektron ödəniş sistemlərinin yaradılması və nağdsız hesablaşmaların həcminin artırılması istiqamətində bir sıra mühüm layihələrin həyata keçirildiyini qeyd edib.
AMB-nin Ödəniş sistemləri və hesablaşmalar Departamentinin direktoru K.Qurbanova isə MÖŞ-un yaradılması üzrə beynəlxalq təcrübə, onun fəaliyyətinin məqsədi və işinin təşkili, Milli Ödəniş Sisteminin mövcud vəziyyəti, digər ölkələrlə müqayisəli təhlili, həmçinin inkişaf perspektivləri barədə iclas iştirakçılarına məlumat verib. O, qeyd edib ki, hazırda Milli Ödəniş Sisteminin əsas komponentlərindən hesab edilən sistemlər - AZIPS, XÖHKS və KÖMİS müvəffəqiyyətlə istifadə olunur və bu sistemlərin istifadəyə verilməsi ilə banklararası hesablaşmaların tam elektronlaşdırılmasına nail olunub.
İclasda həmçinin elektron ödəniş xidmətlərinin inkişaf istiqamətləri və növbəti 5 il üçün strateji hədəflər müzakirə edilib və Milli Ödəniş Şurasının əsasnaməsi qəbul edilib.
Toplantıda MÖŞ-un üzvləri olan Mərkəzi Bank, Vergilər, Rabitə və İnformasiya Texnologiyaları nazirlikləri, Gömrük, Qiymətli Kağızlar üzrə dövlət komitələri və aparıcı kommersiya banklarının rəhbərlərik səviyyəsində nümayəndələri iştirak ediblər.
Maliyyə
Qarabağda Bir başlanğıc daha: Kapital Bank-ın Xankəndi filialı açılıb
14:57
25 may 2024
Azərbaycanda səhiyyə üzrə büdcə xərcləri 8 mln. manat azaldılıb
13:17
25 may 2024
Beynəlxalq münasibətlər üzrə büdcə xərcləri 83% artırılıb
12:10
25 may 2024
Dövlət əsaslı investisiya xərcləri 771.1 milyon manat artırılıb
11:47
25 may 2024