Bakı. Şəhriyar Əlizadə - APA. Bakıda yol-nəqliyyat hadisəsi zamanı xəsarət alan şəxs ölüb.
APA-nın DİN-in saytına istinadən verdiyi məlumata görə, oktyabr ayının 31-də Xətai rayonunun Gəncə prospektində Bakı şəhər sakini Veyis Orucov idarə etdiyi “Mitsubishi” markalı avtomobillə yolu keçən paytaxt sakini Əzalət Daşdəmirovu vurub.
Xəstəxanaya yerləşdirilmiş Ə.Daşdəmirov noyabrın 1-də orada ölüb.
Xətai rayon Polis İdarəsi tərəfindən araşdırma aparılır.