Türkiyənin İzmir şəhərində yerləşən lisey binasında partlayış baş verib.
APA-nın “Hürriyet”ə istinadən verdiyi xəbərə görə, Abdülhamit Xan Peşə və Texniki Anadolu Liseyində qaz sızıntısı ilə əlaqədar baş verən partlayış nəticəsində 1 nəfər ölüb, 4 nəfər yaralanıb.
Partlayışdan sonra yanğın başlayıb. Hadisə yerinə polis əməkdaşları, xilasedici və yanğınsöndürənlər cəlb olunub. Yanğını böyümədən söndürmək mümkün olub. Şagirdlər məktəbdən təxliyə edilib.