Lənkəran. Ağəddin Babayev – APA. Lənkəran Şəhər-Rayon Polis Şöbəsi (ŞRPŞ) əməkdaşlarının Lənkəran şəhərlərarası avtovağzalında həyata keçirdikləri əməliyyat tədbirləri zamanı Bakı şəhərinin Suraxanı rayonunun Qaraçuxur qəsəbə sakini, 1981-ci il təvəllüdlü Namiq Tahir oğlu Həsənov şübhəli şəxs qismində saxlanılıb. Bu barədə APA-nın cənub bürosuna Lənkəran ŞRPŞ-nin müstəntiqi Toğrul Hüseynov məlumat verib. Saxlanılan N. Həsənovun üzərinə baxış keçirilərkən hər biri 100 ABŞ dolları olmaqla 3 ədəd saxta əsginas aşkarlanaraq götürülüb. İlkin araşdırmalardan məlum olub ki, N.Həsənov saxta pullara ümumilikdə 60 manat verməklə Lənkəran rayonunun Girdəni kənd sakini, 1971-ci il təvəllüdlü Arzuman Rəşid oğlu Mirzəyevdən əldə edib. Polis əməkdaşları A.Mirzəyevin evinə baxış keçirdikləri zaman oradan 35 ədəd kibrit qutusunda 172 qram və 2 ədəd sellofan bükümdə 300 qram narkotik vasitə olan marixuana, həmçinin 28 qram çətənə bitkisinin toxumunu aşkarlayaraq götürüblər.
Hər iki şəxs istintaqa cəlb olunub.
Faktla bağlı Lənkəran ŞRPŞ-də Cinayət Məcəlləsinin 234.4.3 və 204-cü maddələri ilə cinayət işi açılıb, araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
