Futbol

Ana səhifə

Futbol

Apasport.az: Avropa çempionatında Azərbaycan fırtınası

01 aprel 2009 21:46 (UTC +04:00)

60 kq
Öncə Aleksandros Pilavidisi (Yunanıstan) məğlub edən Zəlimxan Hüseynov növbəti mərhələdə George Bukura (Rumıniya) qalıb gəlib. Təmsilçimiz yarımfinalda gürcü Malxaz Kurdianini (Gürcüstan) də məğlub edib. Avropa çempionu titulunu qazanmaq üçün Zəlimxan Rusiya pəhləvanı Adam Batırovla (Rusiya) görüşüb. Bu mərhələdə rəqibini məqlub edən Hüseynov qızıl medala sahib çıxıb. Beləlikə, idmançılarımızın qazandığı medalların sayı ikiyə çatıb.

74 kq

Çamsulvara Çamsulvarayev isə 1/8 finalda Luka Lampisi (Fransa) məğlub edib. Onun növbəti “qurban”ı almaniyalı Andrey Şiyka olub. Çamsulvarayev yarımfinalda Kiril Terziyevlə (Bolqarıstan) qüvvəsini sınayıb və görüşdən qalib ayrılıb. Güləşçimiz finalda türk Firat Binici ilə üz-üzə gəlib və qələbəyə qazanan tərəf olub.

96 kq

Bu çəkidə yığmamızın digər legioneri Xetaq Qazyumov fərqlənib. O, ardıcıllıqla Daniel Liget (Macarıstan), Sərhat Balçın (Türkiyə) və Nikolay Çebanı (Moldova) üzərində qələbə qazanıb. Çox güclü təsir bağışlayan Qazyumov fəxri kürsünün ən yüksək pilləsinə qalxmaq üçün finalda Georgi Ketoyevlə (Rusiya) qarşılaşıb. Burada rus rəqibini məğlub edən Qazyumov da qızıl medala sahib çıxıb.

Beləlikə, bu gün idmançılarımızın qazandığı medalların sayı üçə çatıb.

Qeyd edək ki, dünən, Avropa çempionatının ilk günündə sərbəst güləşçilərimizdən Əli İsayev (120 kq) qızıl, Cəbrayıl Həsənov (66 kq) gümüş, Novruz Temrezov (84 kq) isə bürünc medal qazanıb.