Futbol

Ana səhifə

Futbol

“Mançester Yunayted” klubu öz meydanında qələbə qazana bilməyib

08 aprel 2009 08:14 (UTC +04:00)

UEFA Çempionlar Liqasının 1/4 final mərhələsi start götürüb. Apasport.az saytının məlumatına görə, ilk oyun günündə baş tutan hər iki qarşılaşma heç-heçə nəticələnib.

Çempionlar Liqasının son qalibi “Mançester Yunayted” öz işini çətinə salıb. Belə ki, ingilislər “Portu”nun müqavimətini qıra bilməyib - 2:2. Yarımfinala çıxmaq üçün Portuqaliya komandasını cavab görüşündə 0:0 və ya 1:1 hesablı heç-heçə də qane edir.

İngiltərənin digər təmsilçisi “Arsenal” isə səfərdən əlverişli nəticə ilə dönüb.

Bu gün 1/4 final mərhələsində daha iki görüş keçiriləcək.

Çempionlar Liqası
1/4 final, ilk oyunlar
7 aprel

“Mançester Yunayted” (İngiltərə) – “Portu” (Portuqaliya) - 2:2
Qollar: Runi, 16; Teves, 86 - Rodriges, 4; Qonsales, 89
Baş hakim: Konrad Plauts (Avstriya)

“Vilyarreal” (İspaniya) – “Arsenal” (İngiltərə) - 1:1
Qollar:Da Silva, 10 - Adebayor, 66
Baş hakim: Tom-Henninq Evrebe (Norveç)

8 aprel

“Liverpul” (İngiltərə) – “Çelsi” (İngiltərə)
Baş hakim: Klaus Bo Larsen (Danimarka)

“Barselona” (İspaniya) – “Bavariya” (Almaniya)
Baş hakim: Hovard Uebb (İngiltərə)