Futbol

Ana səhifə

Futbol

Apasport.az saytı mövsümün ən yaxşı qapıçısı ilə bağlı sorğu keçirib

20 may 2009 09:43 (UTC +04:00)

Apasport.az saytı Peşəkar Futbol Liqası (PFL) ilə birgə 2008/09 mövsümünün yekunlarına dair sorğu keçirib. Futbolçular, məşqçilər, mütəxəssislər və idman jurnalistləri arasında təşkil olunmuş sorğuya əsasən, mövsümün ən yaxşı qapıçısı müəyyənləşib. Bu ada “Bakı”nın seneqallı qapıçısı Xalidu Sissoko layiq görülüb.

Gərgin keçən səsvermədə 31 yaşlı afrikalı milli komandamızın qapıçıları Fərhad Vəliyev və Kamran Ağayevi çox az səslə qabaqlayıb. Öz klublarında əsas qapıçı funksiyasını yerinə yetirən Xalidu ilə Fərhaddan fərqli, Ağayevin bu qədər səs toplaması maraq doğurur. Çünki Kamran zədə ucbatından mövsümün 32 oyunundan cəmi 9-da forma geyinib. Başqa sözlə, o, mövsümü boşa verib. Buna baxmayaraq, bir çox respondentlər məhz ona səs veriblər. Yəqin ki, bu, Ağayevin yığmamızın heyətində göstərdiyi uğurlu oyunla əlaqədardır.

Qeyd edək ki, səsvermədə Premyer Liqada yarışmış 14 klubun hərəsindən 3 nümayəndə – baş məşqçi, əsas qapıçı və şərti olaraq, “qapıçıların qənimi” adlandırılan hücumçu və ya hücuma meylli yarımmüdafiəçilər iştirak ediblər. Eyni zamanda, sorğuya 14 müstəqil mütəxəssis və 20 jurnalist də qatılıb. Ümumilikdə səs verməli olan 76 respondentdən ikisi, milli komandanın almaniyalı baş məşqçisi Berti Foqts və onun qapıçılarla işləyən köməkçisi Uli Ştayn ayrı-seçkiliyə yol verməyiblər.

Klub təmsilçilərinə öz qapıçılarına səs vermək hüququ verilmişdi ki, bundan maksimum yararlananlar olub. Məsələn, Premyer Liqada güclə qalan “Muğan”ın qapıçısı Kamal Bayramov və demək olar, bütün mövsümü ehtiyat oyunçular skamyasında keçirmiş Elşən Poladov da səs qazanıb. Mövsümün iki ən yaxşı qapıçısı Xalidu və Fərhad təvazökarlıqdan uzaq olaraq, öz özlərinə səs veriblər. “Olimpik”in üzvü Rauf Mehdiyev isə başqa yolla özünün güclü olduğunu göstərib. O, ən yaxşı kimi ehtiyatda oturtduğu əvəzləyicisi Elşən Poladovun adın çəkib.

Sissoko mükafatına sabah Bakı Əyləncə Mərkəzində keçiriləcək tədbirdə qovuşacaq. Bundan başqa, PFL daha 9 nominasiya üzrə qaliblərin adların açıqlayacaq.

Yekun sıralama

1. Xalidu Sissoko (Bakı) – 20
2. Fərhad Vəliyev (Qarabağ) – 18
3. Kamran Ağayev (Xəzər-Lənkəran) – 17
4. Taras Çopik (Simurq) – 5
5-6. Raymundo Vilson (İnter) – 4
Rauf Mehdiyev (Olimpik) - 4
7-8. Kamal Bayramov (Muğan) – 2
Pavel Doroşev (Qəbələ) - 2
9-10. Dmitri Kramarenko (Xəzər-Lənkəran) – 1
Elşən Poladov (Olimpik) - 1

Kim kimə səs verib?

respondent	təmsil etdiyi	seçimi
	Qapıçılar
Xalidu Sissoko	“Bakı”	Xalidu Sissoko
Raymundo Vilson	“İnter”	Fərhad Vəliyev
Taras Çopik	“Simurq”	Fərhad Vəliyev
Fərhad Vəliyev	“Qarabağ”	Fərhad Vəliyev
Dmitri Kramarenko	“Xəzər-Lənkəran”	Rauf Mehdiyev
Rauf Mehdiyev	“Olimpik”	Elşən Poladov
Hüseyn Məhəmmədov	“Standard”	Fərhad Vəliyev
Vladimir Miçoviç	“Neftçi”	Fərhad Vəliyev
Pavel Doroşev	“Qəbələ”	Kamran Ağayev
Nadir Şükürov	“Karvan”	Kamran Ağayev
Anar Nəzirov	“Turan”	Kamran Ağayev
Kamal Bayramov	“Mugan”	Fərhad Vəliyev
Tariyel Hüseynov	“Bakılı”	Xalidu Sissoko
Elçin Cəfərov	MOİK	Fərhad Vəliyev
	Qapiçilarin qənimləri
Amiran Muciri	“Bakı”	Xalidu Sissoko
Valter Quqlemon	“İnter”	Fərhad Vəliyev
Vladimir Mazyar	“Simurq”	Taras Çopik
Vaqif Cavadov	“Qarabağ”	Fərhad Vəliyev
İvan Tsvetkov	“Xəzər-Lənkəran”	Kamran Ağayev
Leandro Qomeş	“Olimpik”	Xalidu Sissoko
Anhel Qutyerres	“Standard”	Raymundo Vilson
Samir Əliyev	“Neftçi”	Xalidu Sissoko
Kənan Kərimov	“Qəbələ”	Taras Çopik
Vüqar Nadirov	“Karvan”	Fərhad Vəliyev
Nadir Nəbiyev	“Turan”	Fərhad Vəliyev
Tərlan Xəlilov	“Mugan”	Kamal Bayramov
Vasif Əliyev	“Bakılı”	Xalidu Sissoko
İsmayil Məmmədov	MOİK	Rauf Mehdiyev
	Baş məşqçilər
Qyoko Hacıyevski	“Bakı”	Xalidu Sissoko
Valentin Xodukin	“İnter”	Raymundo Vilson
Roman Pokora	“Simurq”	Taras Çopik
Qurban Qurbanov	“Qarabağ”	Fərhad Vəliyev
İqor ponomaryov	“Xəzər-Lənkəran”	Kamran Ağayev
Əsgər Abdullayev	“Olimpik”	Rauf Mehdiyev
Rafiq Mirzəyev	“Standard”	Fərhad Vəliyev
Böyükağa Ağayev	“Neftçi”	Fərhad Vəliyev
Ramiz Məmmədov	“Qəbələ”	Pavel Doroşev
Yunis Hüseynov	“Karvan”	Kamran Ağayev
Rasim Əliyev	“Turan”	Kamran Ağayev
Vladislav Qədirov	“Mugan”	Kamal Bayramov
Bəxtiyar Qulamov	“Bakılı”	Fərhad Vəliyev
Qəhrəman Əliyev	MOİK	Xalidu Sissoko
	Mütəxəssislər
Berti Foqts	Milli komandanın baş məşqçisi	-
Uli Ştayn	Milli komandanın məşqçisi	-
Nizami Sadıqov	Veteran qapıçı	Fərhad Vəliyev
Camaləddin Əliyev	Veteran qapıçı	Xalidu Sissoko
Vaqif Sadıqov	Milli komandanın sabiq baş məşqçisi	Kamran Ağayev
Ağasəlim Mircavadov	Milli komandanın sabiq baş məşqçisi	Kamran Ağayev
Vəli Qasımov	Veteran futbolçu	Fərhad Vəliyev
Faiq Əzizov	Milli komandanın məşqçisi	Kamran Ağayev
İsgəndər Cavadov	Regionlar Futbol Federasiyasının prezidenti	Kamran Ağayev
Oqtay Abdullayev	Veteran futbolçu	Kamran Ağayev
Asim Xudiyev	Veteran futbolçu	Dmitri Kramarenko
Nazim Süleymanov	U-21-in məşqçisi	Xalidu Sissoko
Şakir Qəribov	U-21-in sabiq baş məşqçisi	Kamran Ağayev
Yaşar Vahabzadə	Veteran futbolçu	Kamran Ağayev
	Jurnalistlər
Kənan Həsənov	“Futbol+”	Taras Çopik
Anar Xanlarov	“Çempion”	Pavel Doroşev
Natiq Əliyev	“Het-trik”	Xalidu Sissoko
Mikayıl Nərimanoğlu	“Futbol dünyası”	Kamran Ağayev
Rüstəm Piriyev	Extratime.az/Exo	Xalidu Sissoko
Rəşad Ergün	“Komanda”	Xalidu Sissoko
İlkin Vaqifoğlu	“Futbol+qol”	Xalidu Sissoko
Mehman Süleymanov	apasport.az	Xalidu Sissoko
Elşən Məmmədov	Lent.az	Xalidu Sissoko
Rüstəm Mikayıllı	azerisport.com	Raymundo Vilson
Emil Hüseynli	Trend	Kamran Ağayev
Aydın Bağırov	Qol.az	Taras Çopik
Ceyhun Əliyev	Livesport.az	Xalidu Sissoko
İlkin Fikrətoğlu	ATV	Kamran Ağayev
Gündüz Abbaszadə	ANS	Xalidu Sissoko
Elman Himayətoğlu	İTV	Xalidu Sissoko
Elnur Məmmədli	AzTV	Rauf Mehdiyev
Tural Xudiyev	Space	Fərhad Vəliyev
Pərviz Musayev	Lider	Raymundo Vilson
Ceyhun Rzayev	Xəzər	Xalidu Sissoko