Futbol

Ana səhifə

Futbol

Ali Tanrıyar: «Qalatasaray» üçün bundan sonra da əlimdən gələni edəcəyəm

27 mart 2010 23:56 (UTC +04:00)

İstanbul. Mayis Əlizadə - APA. «Qalatasaray» klubunun 27 martda keçirilən konqresində prezident seçkilərindən öncə klubun keçmiş prezidenti Ali Tanrıyar APA-nın Türkiyə bürosuna verdiyi açıqlama verib.

«Mən 1932-ci ildən bəri «Qalatasaray» klubundayam. 1926-cı ildən bəri isə «Qalatasaray» məktəbindəyəm. 1932-ci ildən bəri seçilmiş bütün idarə heyətlərində mənə də vəzifə verildi. 1986-90-cı illərdə klubun prezidenti oldum. Mənə başqanlığıma qədər «Qalatasaray» komandası liqada 7-ci idi; mənim vaxtımda çempion oldu. Biz «Qalatasarayı» 13 idman növündə çempion etdik. Dünya klubları arasında belə bir göstəriciyə nail olan başqa klub yoxdur. Biz bir rəqibimizi 34, o biri rəqibimizi isə 12 xal geridə qoyduq. Mənim həyatım «Qalatasaray»ın içində keçib. Mən burada doğulmuşam, burada öləcəyəm».

APA təmsilçisinin «Yeni layihələrin hamısında sizin də imzanız var. Onları həyata keçirmək üçün nələr edəcəksiniz?” - sualına Ali Tanrıyar belə cavab verib: «Yeni layihələri həyata keçirmək üçün əlimizdən gələn hər şeyi edəcəyik. Əvvəla, hansı arkadaşımızın prezident seçilməsini görməyimiz lazımdır. Ondan sonrakı duruma görə lazımi tədbirləri görəcəyik. O barədə arxayın olun».

APA təmsilçisinin ««Qalatasaray» futbol komandasının liqadakı yerini necə dəyərləndirirsiniz?» - sualına cavab verən klubun keçmiş prezidenti Ali Tanrıyar deyib: «Sabah «Fənərbaxça» ilə ойунуmуz var. «Qalatasaray» ən güclü vaxtında «Fənərbaxça»ya məğlub olub, ən zəif vaxtında «Fənərbaxça»ya qalib gəlib. Ona görə də iki komanda arasındakı ойунун тaлейini təyin etmək çətindir. Arzu edirik ki, yaxşı ойун olsun».

APA təmsilçisinin «Qalatasaray»ın Azərbaycanda 250 min üzvü var. Derbi ərəfəsində onlara hansı mesajı göndərmək istərdiniz?» - sualına isə keçmiş prezident «Həmişə «Qalatasaray»ı alqışlasınlar. Xatircəm olsunlar. Çempion olacağıq» - sözləri ilə cavab verib.