Futbol

Ana səhifə

Futbol

Qus Hiddinq: Azərbaycan qarşısında məğlubiyyəti qəbul edə bilmirəm

12 oktyabr 2010 23:37 (UTC +04:00)

Bakı-APA. Türkiyə futbol milli komandasının texnik direktoru Qus Hiddink, Azərbaycan –Türkiyə matçından sonra keçirilən mətbuat konfransında, Azərbaycan qarşısında məğlubiyyəti qəbul edə bilmədiyini söyləyib.
APA-nın IHA agentliyinə istinadən verdiyi xəbərə görə, Hiddink deyib ki, onun komandası 2012 Avropa futbol Çempionatının seçmə mərhələsində aldığı ikinci məğlubiyyətdən oyunçular və texniki heyət böyük xəyal qırıqlığı içindədir. "4 gün içində 2 matç itirmək karyeramda az yaşadığım bir vəziyyətdir. Dünya səviyyəsində olan Almaniyaya uduzmağımızı qəbul edə bilərəm, amma Bakıdakı məğlubiyyəti qəbul etmək çətindir. Dayanan topdan qol buraxdıq. Vurulan qolda 3 oyunçu topun üstündən tullandı. Konsentrasiya əskikliyimiz vardı, xəyal qırıqlığı yaşayıram", - o deyob.
"Bu məğlubiyyət Türkiyənin qrupdan çıxmasını təhlükə yaratdımı?" sualana cavab olaraq Hollandiyalı mütəxəssis dedi ki, "Təşəbbüsün bizdə olmasını istəyərdim amma bu günkü kimi nəticə ilə Türkiyənin qrupdan çıxması çətin olar” .
O bildirib ki, Avro-2012 finalına getmək ücün milli komandaya gənc və qabiliyyətli oyunçuları cəlb etmək niyyətindədir. Bir jurnalistin, "İstefanı düşünürsünüzmü" sualına isə Hiddink cavab verib: "Hər şeyi zamana buraxmaq lazımdır. Önümüzdə seçim üçün zaman var".