Artıq iki ildir ölkəmizin avrokuboklarda ən layiqli təmsilçiləri olan “Qarabağ”la “Bakı” cari mövsümə qeyri-sabit oynayır. Avroliqanın son təsnifat mərhələsinə irəliləyən ağdamlıların yığmada da xeyli futbolçuları olduğundan, yorğunluq öz sözünü deyir. “Bakı” isə həmin turnirdə məlum olaylardan, “Buduçnost”la hər iki görüşdə 2:1 hesabı ilə qalib gəlsə də, mübarizəni dayandırdıqdan sonra psixoloji zərbə aldı və özünə gəlməsi üçün xeyli vaxt lazım gəldi. Son üç turda inamlı təsir bağışlanan son ölkə kubokunun qalibi xal ehtiyatını xeyli artırıb. “Bakı” növbəti qələbəsini qazanarsa, ilk “altılığ”a düşəcək və “Qarabağ”ı turnir cədvəlində qabaqlayacaq. “Qarabağ” isə qələbə sayəsində “İnter”i arxada qoyaraq, 3-cü yerdə gedən AZAL-la xalları bərabərləşdirəcək. Ancaq “təyyarəçilər” topların fərqində rəqibindən üstündür.
Hər iki komandada heyətlə bağlı problemlər var. “Bakı”nın braziliyalı hücumçusu Jabanın 4 oyunluq cəzası yarıbayarı azalsa da, diskvalifikasiyası “Qarabağ”la görüşdən sonra bitəcək. Kamerunlu yarımmüdafiəçi Joel Epallenin isə əməliyyatdan sonra bərpa prosesi keçir. “Qarabağ”da zədə baxımından problemlər millimizin üzvləri ilə bağlıdır. Maksim Medvedevlə Samir Abasov bu səbəbdən Türkiyə yığması ilə iştirak etmədilər.
20 oktyabr
16:00. “Qarabağ” – “Bakı”
Bakı. Tofiq Bəhramov adına Respublika stadionu
1 | "Neftçi" | 9 | 6 | 2 | 1 | 17-4 | 20 |
2 | "Xəzər Lənkəran" | 9 | 5 | 3 | 1 | 10-5 | 18 |
3 | AZAL | 9 | 5 | 2 | 2 | 14-6 | 17 |
4 | "İnter" | 9 | 5 | 1 | 3 | 7-8 | 16 |
5 | "Qarabağ" | 8 | 4 | 2 | 2 | 10-6 | 14 |
6 | "Gəncə" | 9 | 3 | 5 | 1 | 15-9 | 14 |
7 | "Qəbələ" | 9 | 4 | 1 | 4 | 8-7 | 13 |
8 | "Bakı" | 8 | 3 | 3 | 2 | 12-10 | 12 |
9 | "Muğan" | 9 | 2 | 3 | 4 | 6-9 | 9 |
10 | MOİK | 9 | 1 | 1 | 7 | 4-20 | 4 |
11 | "Turan" | 9 | 0 | 4 | 5 | 7-15 | 4 |
12 | "Simurq" | 9 | 0 | 3 | 6 | 7-18 | 3 |
Bombardir: Bahodir Nasimov (“Neftçi”) – 10.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
