Futbol

Ana səhifə

Futbol

UEFA Türkiyə Futbol Federasiyasına dəstək verib

19 iyul 2011 00:21 (UTC +04:00)

Bakı-APA. Türkiyə Futbol Federasiyasının (TTF) nümayəndələri Türkiyə futbol çempionatında danışılmış oyunlarla bağlı gedən istintaq barədə Cenevrədə UEFA rəhbərliyini məlumatlandırıb.
APA-nın verdiyi xəbərə UEFA-nın rəsmi saytında yerləşdirən açıqlamada deyilir ki, UEFA ümid edir ki, Türkiyə Futbol Federasiyası futbolda danışılmış oyunların qarşısını almaq istiqamətində tez bir zamanda lazımı tədbirlər görəcək.
Açıqlamada UEFA aparılan istintaqla əlaqədar tam olaraq məlumatlandırılıb və TFF-in rəsmiləri ilə yaxından əməkdaşlıq edəcəyi qeyd edilir.

UEFA ümid edir ki, TFF danışılmış oyunlarla barışmaz mübarizə aparacaq. UEFA Avropa kuboklarına qatılacaq Türkiyə komandaları ilə bağlı mövqeyini daha əvvəlki şərhində bəyan edib və bu mövqe dəyişməz olaraq qalıb. UEFA 12 iyulda yaydığı açıqlamasında bildirmişdi ki, istintaqda adı çəkilən klubların Avropa kuboklarına qatılmamağı üçün heç bir səbəb yoxdur.
Xatırladaq ki, aparılan istintaq çərçivəsində “Fənərbağça” klubunun prezidenti Əziz Yıldərəm, vitse-prezident Şekip Mosturoğlu, klubun direktoru İlhan Ekşioğlu, “Sivasspor” futbol klubunun prezidenti Məcnun Odyakmaz, “Eskişehirspor” komandasının baş məşqçisi Bülənt Uygun, klubun direktoru Ümit Karan, “Sivassporun” qapıçısı Korcan Çelikay və daha 25 nəfər həbs olunub.