Futbol

Ana səhifə

Futbol

“Bavariya” klubunun prezidenti: “Mən Berti Foqtsun səhvini “təmizləməyə” məcbur idim”

04 avqust 2011 10:32 (UTC +04:00)

Bakı – APA. “Mən dünya çempionatının final oyununda dostum, cənab Berti Foqtsun səhvini “təmizləməyə” məcbur idim”. Apasport.az saytının məlumatına görə, bu sözləri Almaniya yığmasının sabiq futbolçusu Uli Höness deyib.

Milli komandamızın baş məşqçisi Berti Foqtsla Bundestimdə komanda yoldaşı olan Höness 1974-cü ildə qalib gəldikləri dünya çempionatının final oyununu xatırlayıb.

O, hollandlarla həmin görüşdə əfsanəvi hücumçu Yohan Kroyffu yıxaraq, penaltiyə səbəbkar olub. Ancaq günahı özündən daha çox Foqtsda görən Höness həmkarının səhv etdiyini düşünür: “Kroyffu Foqts buraxdı. O, rəqiblə təmasa girməli idi! Bununla belə, yenə hesab edirəm ki, orada penalti yox idi. Mən təmiz oynamışdım. Ancaq etiraf etmək lazımdır ki, bizim penalti də aşkar deyildi. Ümumiyyətlə, futbolçumuz Heltsenbayn yıxılanda, hakimlər təyin etdikləri penaltilərin 5 faizini verməlidirlər”.

Qeyd edək ki, ölkəsinin ən yaxşı futbolçularından sayılan Höness “Bavariya”nın prezidentidir.