Futbol

Ana səhifə

Futbol

AFFA AZAL-ın məşqçisini və “Neftçi”nin futbolçusunu cəzalandırıb

10 noyabr 2011 12:31 (UTC +04:00)

Bakı – APA. AFFA-nın İntizam Komitəsinin iclası keçirilib. Apasport.az saytının məlumatına görə, Premyer Liqanın XII turunda baş verənləri müzakirə edən qurum müvafiq qərarlar çıxarıb.

“Rəvan”– “Simurq” matçının 56-cı dəqiqəsində meydandan qovulan Ekrem Hodziç 1 oyunluq cəzalanıb və meydan sahiblərini 200 manat ziyana salıb. Oyunun 63-cü dəqiqəsində “Simurq”un qırmızı vərəqə alan üzvü Vasili Yanatovskinin də cəzası eyni olub.

AZAL – “Qəbələ” matçının 34-cü dəqiqəsində meydan sahiblərinin məşqçisi İlqar Hüseynov hakimləri təhqir etdiyi üçün 5 oyunluq cəzalanıb, klubu isə 5000 manat cərimələnib.

AFFA “Neftçi”nin futbolçusu Rəşad Abdullayevi də ağır cəzalandırıb. Yarımmüdafiəçi Premyer Liqamızın ötən turunda “Xəzər Lənkəran”la matçın 8-ci dəqiqəsində rəqib futbolçu Şəhriyar Xəlilova qarşı aqressiv hərəkət etmiş, ancaq oyunun Elnur Muradov başda olmaqla hakimlər briqadası bunu qiymətləndirməmişdi. Oyunun videoyazısı izlədikdə Rəşadın rəqibə əllə zərbəsi vurmağı aşkar edilib. İK-in üzvləri bunu nəzərə alaraq, Abdullayevə 4 oyunluq cəzalandırıb, klubu 4000 manat cərimələnib. Qərarda həmçinin göstərilib, AFFA-nın Hakimlər Komitəsi hakimlər briqadası haqda lazımı ölçü götürüb, İK-ya yazılı məlumat verməlidir. Bu isə Muradovun da cəzalanacağı deməkdir.

Qeyd edək ki, “Neftçi” Rəşadı klubun daxili intizam məcəlləsini pozduğuna görə cəzalandırıb.