“Bavariya”nın Çempionlar Liqasındakı qol seriyası qırılıb.
Apasport.az saytının məlumatına görə, Münhen klubu 2019-cu ildən sonra ilk dəfə meydanı qolsuz tərk edib.
Bu, 1/4 finalın ilk oyununa təsadüf edib. Yulian Naqelsmanın yetirmələri səfərdə “Vilyarreal”ın qapısına yol tapa bilməyib.
Bununla da 30 matçlıq seriya qırılıb. “Bavariya” 2019-cu ilin fevralında “Liverpul”a qarşı keçirdiyi görüşdən sonra hər qarşılaşmada ən azı 1 qol vurub. Həmin oyun 0:0 hesabı ilə başa çatıb.