“Mənim üçün burada olmaq böyük şərədir. FİFA nümayəndəsi olaraq müəyyən qeydlərimi etmək çox xoşdur”.
Apasport.az saytının məlumatına görə, bunu FİFA-nın nümayəndəsi Nodar Axalkatsi AFFA-nın bugünkü Hesabat Konfransında deyib.
O, FIFA prezidenti Canni İnfantino adından tədbir iştirakçılarını salamlayıb: “Çətin pandemiya günlərində bu tədbiri təşkil etdiniz. Futbol ailəsinin bir araya gəlməsi bir daha göstərir ki, son iki il ərzində bir çox irəliləyişə nail olunub. Uyğunlaşmaq, innovativ olmaq, maneələrə sinə gərmək vacibdir. Bakıda keçən il möhtəşəm tədbir keçirildi, AVRO-2020-nin 4 oyunu burada oldu. Azərbaycan ən vacib tədbirləri keçirmək təcrübəsinə malik olduğunu dəfələrlə sübut edib”.
Axalkatsi AFFA və FIFA arasındakı əməkdaşlığın ildən-ilə möhkəmlənməsinə ümid etdiyini söyləyib: “FIFA administrasiyası birgə layihələrimizdən qürur duyur. Əsas komponent həm Bakıda, həm də regionlarda futbolun inkişafı görünür. Əminəm ki, gənc nəsil bunlardan səmərəli yararlanacaq. Eyni zamanda Azərbaycan da artıq futbol texnologiyasına malik ölkələr arasındadır. VAR sisteminin Premyer Liqada tətbiq olunmasını gözləyirik. Müəyyən gecikmələr barədə eşitdik. Amma bununla bütün dünya üzləşir. Birgə cəhdlərimizlə bu çətinliklərin də öhdəsindən gələcəyik. Son illər futbolun inkişafı üçün gördüyünüz işlər FIFA tərəfindən müsbət qiymətləndirilir”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
