Çempionlar Liqasının 1/8 final mərhələsinin PSJ ilə cavab oyununda vurduğu üç qolla “Real”a 3:1 hesablı qələbə qazandıran Kərim Benzema bir neçə rekorda imza atıb.
Apasport.az saytının məlumatına görə, fransalı hücumçu həm Çempionlar Liqası, həm Fransa futbolu tarixində yaddaqalan göstəricilərə imza atıb.
Benzema karyerası ərzində vurduğu qol sayını 411-ə çatdırıb. O, fransalı futbolçular arasında rekordçu olan Tyerri Anriyə şərik çıxıb.
Kərim Çempionlar Liqası tarixində bir oyuna 3 və ya daha çox qol vuran ən yaşlı futbolçudur. 34 yaş 80 günlüyündə fərqlənən forvard həmyerlisi Olivye Jirunun göstəricisini 17 gün üstələyib.
“Real”dakı qol sayını 309-a çatdıran Benzema klub tarixinin 3-cü bombardiri olub. Alfredo di Stefanonu (308) arxada qoyan fransalı yalnız Kriştiano Ronaldo (450) və Rauldan (323) geri qalır.
Benzema “Real”ın Çempionlar Liqasındakı ikinci bombardiridir. Qol sayını 67-yə çatdıran fransalı Raulu (66) arxada qoysa da, Kriştiano Ronaldodan (105) geri qalır.
Çempionlar Liqasının 18 təqvim ilində qol vuran Kərim yarışın tarixində ilk belə oyunçudur. O, 2005-ci ildən indiyədək hər il ən azı bir qol vurmağa nail olub.
Benzema bu het-triki 18 dəqiqəyə rəsmiləşdirib. O, 61-ci, 76-cı və 78-ci dəqiqələrdə fərqlənib.
Kərim Çempionlar Liqasında sonuncu dəfə 2015-ci ilin dekabrında het-trik etmişdi. Həmin vaxt fransalı “Malmö”yə qənim kəsilib.
Benzema 500-cü dəfə “Real”ın start heyətində yer alıb. O, klub tarixinə buna nail olan ikinci legioner kimi düşüb. Yalnız Roberto Karlos onu qabaqlayır – 524.
Çempionlar Liqasında 141-ci matçına çıxan Benzema turnirdə ən çox oynayan fransalı olub. O, Tyerri Anrini arxada qoyub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
