Bakı – APA. Beynəlxalq Hərbi İdman Şurasının hərbçilər arasında birinci Dünya Futbol Kubokunda yarımfinal mərhələsinin oyunları keçirilib.
Müdafiə Nazirliyinin mətbuat xidmətindən APA-ya verilən məlumata görə, Dalğa Arenada keçirilən qarşılaşmada Azərbaycan komandası Oman komandasına 1:2 hesabı ilə məğlub olub. Bayıl stadionunda keçirilən ikinci yarımfinal oyununda isə İraq komandası Kot-Divuar komandasına 3:0 hesabı ilə qalib gəlib.
İyulun 2-dən başlayan çempionat artıq sona çatmaq üzrədir.
İyulun 14-də saat 17.00-da Azərbaycan və Kot-Divuar komandaları üçüncü yer uğrunda mübarizə aparacaqlar.
Həmin gün saat 20.30-da isə Oman komandası ilə İraq komandası final oyununa çıxacaq.
Dalğa Arenada keçiriləcək hər iki oyun İdman Azərbaycan kanalı və cempionatın rəsmi internet səhifəsində (www.cism-wft2013.az) canlı yayımlanacaq.
İyulun 15-də isə çempionatın rəsmi bağlanış mərasimi keçiriləcək.