Futbol

Ana səhifə

Futbol

Azərbaycan UEFA-nın əmsallar cədvəlində 30-cu pillədə qalıb

19 iyul 2013 07:26 (UTC +04:00)

UEFA-nın avrokuboklar üçün əmsallar cədvəli açıqlanıb. Apasport.az saytının məlumatına görə, 2013/14 mövsümünün II təsnifat mərhələsinin ilk oyunlarından sonra siyahıda cüzi dəyişikliklər qeydə alınıb.

İyulun 18-də baş tutan Avropa Liqasındakı oyunlarının da əksini tapdığı cədvəldə Azərbaycan hesabına daha 0,250 xal əlavə edib. Buna “Qarabağ”ın öz meydanında Polşanın “Pyast” klubunu 2:1 hesabı ilə məğlub etməsi səbəb olub. “Xəzər Lənkəran”la “İnter” isə müvafiq olaraq Hayfada “Makkabi” və Norveçdə “Tromse”yə uduzmaqla xal qazanmayıb. Onların hər ikisi 0:2 hesablı məğlubiyyətə üzülüb.

Bu qələbə ilə cari mövsüm üçün əmsalımız 1,625-ə çatdırıb. Bunun 0,750-si “Qarabağ”ın hesabındadırsa, “Xəzər Lənkəran”la “İnter” hərəyə 0,375 xal, “Neftçi” isə cəmi 0,125 xal gətirib.

Bununla da 5 mövsümdə qazandıqlarımızın cəmi 9,500-ə çatdırıb. Bu isə ölkəmizin irəliləməsi üçün faydasız olaraq, 30-cu pillədə qalması ilə nəticələnib. Mövsümü 32-ci yerdə başlayan, sonradan Gürcüstan və Sloveniyanı arxada qoyan ölkəmiz indi 29-cu pillədən xeyli geridə qərarlaşıb.

Belə ki, indi Azərbaycanı həmin mövqedə olan Slovakiyadan 0,750 ayırır. Bu isə 3 qələbə deməkdir. 31-ci olan Sloveniya bizdən yarım xal – 2 qələbə geridədir.

...25	Norveç	12.975
26	Serbiya	12.750
27	Macarıstan	11.625
28	Bolqarıstan	10.750
29	Slovakiya	10.250
30	Azərbaycan	9.500
31	Sloveniya	9.000
32	Gürcüstan	8.875
33	Moldova	8.125
34	Finlandiya	7.175
35...	Bosniya Herseqovina	7.125