Bakı – APA. Beynəlxalq Voleybol Federasiyası (FİVB) qadın milli komandalarının reytinq cədvəlini tərtib edib. Apasport.az saytının məlumatına görə, Qran-pri turnirinin yekunlarına əsasən açıqlanan siyahıda Azərbaycan yığması geriləyib.
Komandamız həmin yarışda iştirak etmədiyi üçün 1 pillə aşağı düşüb. Belə ki, millimiz bu dəfə 35-ci deyil, 36-cı yerə şərik olub. Hesabında 18 xalı komandamız Tunis və Rumıniya ilə birgə 36-38-ci yerləri bölüşdürür.
Avro-2013-də rəqibimiz olacaq Rusiya reytinq xalını yüksəltsə də (175), yenə 6-cıdır. Onlardan fərqli, Xorvatiya yerində qalıb. Hesabında 22 xalı olan xorvatlar Bolqarıstanla 31-ci yerə şərikdirlər. Belarus isə Azərbaycandan aşağı mövqedə qərarlaşıb. Slavyanlar da təmsilçimiz kimi 1 pillə geriləyib, Çili və Belçika ilə 39-41-ci pillələri bölürlər.
Siyahıya Braziliya (320) başçılıq edir. Qran-prinin qalibi olan cənubi amerikalılar ABŞ-la (305) yerlərini dəyişiblər. İlk “üçlüyü” isə Yaponiya qapayır. Onların aktivində 291 xalı var.
Qeyd edək ki, Avropa çempionatı sentyabrın 6-da başlayacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
