Bakı – APA. Braziliya daha bir məşhur futbolçusunu itirib. Apasport.az saytının məlumatına görə, yığmanın heyətində 2 dəfə dünya çempionu olan Jilmar vəfat edib. 1958 və 1962-ci illərdə mundialın qalibi olan qolkiper 83 yaşında ürəktutmasından dünyasını dəyişib.
Braziliya Futbol Konfederasiyası qərara alıb ki, sentyabrın 7-də Avstraliya ilə keçiriləcək yoxlama oyununu Jilmarıln xatirəsini yad etmək məqsədilə 1 dəqiqəlik sükutla başlansın. Həmin matça “pentakampeonlar” meydana qara sarğı ilə çıxacaqlar.
İkiqat dünya çempionu 1953, 1957 və 1959-cu illərdə Cənubi Amerika birinciliyinin, “Santos”un heyətində isə 2 dəfə Libertadores kuboku və Qitələrarası kubokun qalibi olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
