Bakı-APA. Sentyabrın 19-da UEFA Avropa Liqasının qrup mərhələsinin oyunlarına start verilib. Apasport.az saytının məlumatına görə, qitənin ikinci dərəcəli turnirində 12 qrupdan 48 komanda mübarizəyə qoşulub.
Bu turun bütün qarşılaşmalar eyni gündə keçirilib. 24 görüşün 12-si Bakı vaxtı ilə saat 22:00-da, qalanları isə 00:05-də baş tutub.
Azərbaycanlı futbolsevərlərin yaxından maraqlandığı qarşılaşma Sloveniyada keçirilib. Millimizin üzvü Ruslan Abışovun şərəfini qoruduğu Rusiyanın “Rubin” klubu səfərdə “Maribor”un qonağı olub. Bu qarşılaşmada Kazan təmsilçisi 5:2 hesabı ilə darmadağın edib. Abışov isə matçda iştirak etməyib. O, son məşqlərin birində zədəli olduğundan oyunun iştirak ərizəsində yer almayıb.
Digər bir maraqlı görüşdə isə qardaş ölkə Türkiyənin “Trabzonspor” klubu səfərdə Kipr “Apollon”u ilə üz-üzə gəlib. Qara dəniz təmsilçisi ilk dəfə yer aldığı Avropa Liqasının qrup mərhələsinin oyunlarına qalibiyyətlə başlayıb. Mustafa Akçayın yetirmələri rəqibi 2:1 hesabı ilə məğlub edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
