AFR millisinin heyətində dünya çempionu olan Yurgen Qrabovski vəfat edib.
Apasport.az saytının məlumatına görə, bunu Almaniya Futbol İttifaqının mətbuat xidməti açıqlayıb.
DÇ-1974-ün qalibi 77 yaşında ölüb. Hücumçu və hücumameylli yarımmüdafiəçi kimi çıxış edən Qrabovski karyerasına “Bibrix”də başlayıb. O, 1965-80-ci illərdə “Ayntraxt”ın şərəfini qoruyub .
Qrabovski klubun heyətində iki dəfə Almaniya, bir dəfə UEFA kubokunu əldə edib. O, ümumilikdə 441 matçda 101 qola imza atıb. 1972-ci ilin Avropa çempionu yığmadakı 44 oyunda 5 qol vurub.