Hadisə

Ana səhifə

Hadisə

Kamran Əsədov məhkəmədə ittiham aktında qeyd edilənləri qəbul edilib

05 dekabr 2008 15:30 (UTC +04:00)

Bakı. Ramil Məmmədli - APA. Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədovun və digər 19 nəfərin cinayət işi üzrə məhkəmə prosesi günün ikinci yarısında davam etdirilib. APA-nın məlumatına görə, hakim İslam Neymanovun sədrliyi ilə qapalı keçirilən prosesdə Kamran Əsədov ifadəsini davam etdirib. Keçmiş zabit ifadəsində ittiham aktında qeyd olunan məqamları etiraf edib. Təqsirləndirilən K. Əsədov hakimin cinayət işinin müvafiq epizodları üzrə ona ünvanlanan suallarını da cavablandırıb. Bundan sonra təqsirləndirilən şəxslərdən Fərid Cabbarov ifadə verib.
Proses dekabrın 10-da davam etdiriləcək.
Xatırladaq ki, təqsirləndirilən şəxslər - Kamran Əsədov, Bəxtiyar Orucov, Fərid Cabbarov, Elşən Məmmədov, Kamran Babayev, Samir Mehbalıyev, Tərlan Kərimov, Edqar Əliyev, Ramil Kərimov, Şirvani Babayev, Samir Əliyev, Yalçın Məhərrəmov, Orxan Əlizadə, Hacıbala Hüseynov, Azər İbadov, Şəhriyar Mehrəliyev, Ramin Cəlilov, Rövşən Əbdüləliyev, İlkin İsmayılov və Vüqar Əliyev dini radikal qrupda birləşərək, hərbi mübarizəyə başlamağa cəhd etməkdə, Bakıdakı “LUKoyl” yanacaqdoldurma məntəqəsinə silahlı basqın etməkdə, ABŞ və Böyük Britaniyanın Azərbaycandakı səfirliklərinə qarşı terror aktı hazırlamaqda və s. cinayətlərdə ittiham olunurlar.