Hadisə

Ana səhifə

Hadisə

Nardaranda qəsəbə sakinləri Hacı Əli Hüseynov və Hacı Hikmət Vəliyevin həbsinə etiraz olaraq mitinq keçiriləcək

03 fevral 2009 15:19 (UTC +04:00)

Bakı. Ramil Məmmədli - APA. Nardaranda qəsəbə sakinləri Hacı Əli Hüseynov və Hacı Hikmət Vəliyevin həbsinə etiraz olaraq mitinq keçiriləcək. Nardaran Kənd Şurasının üzvü Məşədi Natiq Kərimovun APA-ya verdiyi məlumata görə, qəsəbədəki “İmam Hüseyn” meydanında fevralın 4-də keçiriləcək mitinqdə Daxili İşlər Nazirliyinin (DİN) Baş Mütəşəkkil Cinayətkarlığa Qarşı Mübarizə İdarəsi (BMCQMİ) tərəfindən yanvarın 24-də və fevralın 3-də keçirilən əməliyyatlar zamanı saxlanılanlar Hacı Əli Hüseynov və Hacı Hikmət Vəliyevin sərbəst buraxılması tələb olunacaq.

Qeyd edək ki, 2009-cu il yanvarın 9-da Nardaran qəsəbəsində keçirilən mitinq zamanı Vətəndaş Həmrəyliyi Partiyasının sədri, Milli Məclisin deputatı Sabir Rüstəmxanlının hədələnməsi ilə bağlı Sabunçu rayon Prokurorluğu tərəfindən Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə) maddəsi ilə fakt üzrə cinayət işi başlanılıb. Həyata keçirilən əməliyyat-axtarış tədbirləri nəticəsində yanvarın 24-də Nardaran sakini Hacı Əli Hüseynov şübhəli şəxs qismində saxlanılıb. Yanvarın 26-da Nərimanov rayon Məhkəməsi onun barəsində həbs-qətimkan tədbiri seçib. Fevralın 3-də isə Hacı Hikmət Vəliyev tutulub. Hər iki təqsirləndirilən şəxs BMCQMİ-də saxlanılır.

Nardaran_Sabir