Hadisə

Ana səhifə

Hadisə

İran səfirliyi: “Metronun “Əzizbəyov” stansiyası yaxınlığında ağır yol qəzası törədən avtomobil səfirliyin əməkdaşlarına məxsus deyil”

09 aprel 2007 12:16 (UTC +04:00)

Aprelin 7-də saat 21.50 radələrində metronun “Əzizbəyov” stansiyası yaxınlığında ağır yol-nəqliyyat hadisəsi baş verib. Bakı Şəhər Baş olis İdarəsindən APA-ya verilən məlumata görə, Bakı şəhər sakini Səhət Zülfüqar oğlu Zülfüqarovun idarə etdiyi “Toyota - JEEP” markalı 10 MT 444 dövlət nömrə nişanlı avtomaşınla İranın Azərbaycandakı səfirliyinin əməkdaşı Təhmasib Kərim oğlu Mansurun idarə etdiyi “Pejo” markalı AZ T 00362 saylı saylı avtomobili vurub, sonra isə İran vətəndaşı Mustafa Əmirulla oğlu Əlizadənin idarə etdiyi “Samand” markalı 10 RA 181 dövlət nömrə nişanlı maşınla toqquşub. “Samand” markalı maşındakı sərnişin Rövşən Sabir oğlu Səmədov hadisə yerində ölüb. “Pejo” markalı maşının sürücüsü T. Mansur tibbi yardım göstərildikdən sonra buraxılıb. İranın Azərbaycandakı səfirliyindən APA-ya daxil olan məlumatda da bildirilib ki, yol qəzasını törədən “Toyota-JEEP” markalı avtomobil səfirliyin və İranın Azərbaycanda fəaliyyət göstərən digər qurumlarının əməkdaşlarına məxsus deyil. Həmin avtomobil qəza törədən zaman səfirliyin əməkdaşı T. Mansurun “Pejo-Pars” markalı avtomobilinə dəyib, nəticədə onun həyat yoldaşı və övladı ciddi xəsarət alıb. /APA/