USD 1.7

Bakı 26 °C

Ödənişli xəbərlər

AZ RU EN FA FR

Gece modu

SİYASƏT

XƏBƏR

Dünya xəbərləri

İqtisadiyyat xəbərləri

İdman xəbərləri

Mədəniyyət xəbərləri

Təhlil

Bloqlar

Şirkət

TOP 10

APA TV

© 2004 - 2026 Bütün müəllif hüquqları qorunur.

Hadisə

Ana səhifə

Hadisə

Bakı-Quba yolunda mikroavtobus TIR-la toqquşub, 6 nəfər ölüb - SİYAHI - VİDEO - YENİLƏNİB-3

15 dekabr 2022 15:43 (UTC +04:00)

Bakı-Quba yolunda yük maşını ilə mikroavtobusun toqquşması nəticəsində ölənlərin hamısının kimliyi müəyyənləşib.

APA-nın şimal bürosunun verdiyi məlumata görə, ölənlər “Mercedes-Vito”-nun sürücüsü 1977-ci il təvəllüdlü Yardımlı rayon sakini Qubadbəyli Nəsimi Əlmuxtar oğlu, onun sərnişinləri - Şabran rayonu, Uzunboyad kənd sakini, 1971-ci il təvəllüdlü Məmmədov Kamran Məmmədşah oğlu, 1982-ci il təvəllüdlü Elməddin Əhmədov, 1980-ci il təvəllüdlü Musayev İlqar Tərxan oğlu, 1979-cu il təvəllüdlü Balakişiyev Akif Yusif oğlu və Siyəzən rayonu, Gilgilçay qəsəbə sakini Quliyev Emin Ramiz oğludur.

“DAF” markalı avtomobilin sürücüsü Qubanın Dağlı kənd sakini, 1992-ci il təvəllüdlü Elçin Atayev müxtəlif dərəcəli bədən xəsarətləri ilə Siyəzən Regional Diaqnostika Mərkəzinə yerləşdirilib.

***

11.22

Fövqəladə Hallar Nazirliyi Bakı-Quba yolunda 6 nəfərin ölümü ilə nəticələnən yol qəzası barədə məlumat yayıb.

FHN-dən APA-ya verilən xəbərə görə, nazirliyin "112" qaynar telefon xəttinə Siyəzən rayonu ərazisində (Bakı-Quba avtomobil yolunun 85-ci kilometrliyi) yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumatla əlaqədar FHN-nin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, "Mercedes" markalı mikroavtobus və “DAF” markalı yük avtomobili toqquşub, 6 nəfər nəqliyyat vasitəsində sıxılmış vəziyyətdə qalıb.

Həyata keçirilən tədbirlər nəticəsində 6 nəfərin meyiti zədələnmiş mikroavtobusdan çıxarılaraq aidiyyəti üzrə təhvil verilib.

***

11.06

Bakı-Quba yolunda baş verən hadisə nəticəsində bir nəfər Siyəzən Müalicə Diaqnostika Mərkəzinə yerləşdirilib.

Bu barədə APA-ya TƏBİB-dən məlumat verilib.

1992-ci il təvəllüdlü olan şəxsin müalicəsinə Təcili tibbi yardım bölməsində davam edilir. Vəziyyəti orta ağırdır.

APA-nın şimal bürosunun xəbərinə görə, xəsarət alan TIR sürücüsü, 1992-ci il təvəllüdlü Elçin Atayevdir.

***

10.34

Bakı-Quba yolunun 98-ci kilometrlitində (Sizyəzən rayonu ərazisindən keçən hissəsində) ağır yol-nəqliyyat hadisəsi baş verib.

DİN-dən APA-ya verilən məlumata görə, “Mercedes Vito” markalı avtomobillə TIR toqquşub.

İkin məlumata görə, “Mercedes-Vito”da olan (sürücü daxil olmaqla) 6 nəfər ölüb.

TIR sürücüsü xəsarət alıb.

Hadisə yerinə polis əməkdaşları cəlb edilib. Xilasetmə tədbirləri görülür.

APA-nın şimal bürosunun xəbərinə görə, xəsarət alan TIR sürücüsü, 1992-ci il təvəllüdlü Elçin Atayev Siyəzən Regional Diaqnostika Mərkəzinə yerləşdirilib.