Daşkəsən sakini Gəncədə dəm qazından boğularaq ölüb.
APA-nın yerli bürosunun məlumatına görə, Daşkəsən rayon sakini 1991-ci il təvəllüdlü M.Ələsgərov Gəncədə yaşadığı evin hamamında dəm qazından zəhərlənib. 35 yaşlı kişi xəstəxanaya çatdırılsa da, onu xilas etmək mümkün olmayıb.
Hadisə yerinə polis və prokurorluq əməkdaşları cəlb edilib. Faktla bağlı araşdırma aparılır.
Gəncə Şəhər Birləşmiş Xəstəxanasından APA-ya verilən məlumata görə, yanvarın 15-də saat 03:00 radələrində 1991-ci il təvəllüdlü şəxs (kişi) ağır vəziyyətdə Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub.
Dəm qazının toksiki təsiri diaqnozu təyin edilən pasiyentə zəruri tibbi xidmətlər göstərilib. Aparılan reanimasiya tədbirlərinə baxmayaraq, saat 03:30 radələrində onun ölüm faktı qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
