Güclü külək və dolu Balakəndə bir sıra fəsadlar törədib.
APA-nın Şimal-qərb bürosunun məlumatına görə, bu gün səhər saatlarında ölkənin şimal-qərb bölgəsində keçən qeyri-sabit hava şəraiti Balakən rayonunda da bir sıra fəsadlar törədib.
Rayon Katex kənd inzibati ərazisinin Kombinat yaşayış massivi ərazisinə yağan güclü dolu və güclü külək səbəbindən bir-çox fərdi yaşayış evlərinin dam örtüyü yarasız hala düşüb. Sakinlərin həyətyanı sahəsindəki meyvə ağaclarına, bostan-tərəvəzinə ciddi ziyan dəyib. Güclü külək səbəbindən Balakən şəhəri H. Əliyev prospektində beşmərtəbəli çoxmənzilli yaşayış binasının dam örtüyünün bir hissəsini dağıdılıb. Şəhər ərazisində iki yerdə irigövdəli ağac yıxılıb. Rayonun bəzi ərazilərinə elektrik enerjisinin verilməsində qısamüddətli fasilə yaranıb.
Hazırda rayonun müvafiq təşkilat və idarə nümayəndələri hadisə yerində təmir-təmizlik işləri aparır, dəymiş ziyanın hesablanır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
