Lənkəranda itkin kimi axtarılan 55 yaşlı kişinin meyiti aidiyyəti üzrə təhvil verilib.
APA-nın cənub bürosunun verdiyi xəbərə görə, Lənkəran rayonunun Horavenc kənd sakini 1970-ci il təvəllüdlü İlham Ağamməd oğlu Hüseynovun meyiti müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə aparılıb.
Yaxın qohumu Mirəziz Quliyev APA-ya bildirib ki, o, mal-qarasını gətirmək üçün evdən çıxıb: "Axşam mal-qara evə qayıdıb, amma İlhamdan bir xəbər olmayıb. Hamı İlhamın axtarışlarına başlayıb. Bu gün səhər meyitini qayalıqda, kolların arasından tapdıq”.
Faktla bağlı araşdırma davam etdirilir.
İlkin Rzayev
***
10.12
Lənkəranda ötən gündən itkin düşən kişinin meyiti tapılıb.
APA-nın cənub bürosunun verdiyi xəbərə görə, Lənkəran rayonunun Horavenc kəndində ötən gündən itkin düşən və axtarışları aparılan 1970-ci il təvəllüdlü İlham Ağamməd oğlu Hüseynovun meyiti dərədə aşkarlanıb. Meyiti dərədən çıxarmaq üçün əraziyə FHN-nin Cənub Regional Mərkəzinin xilasediciləri cəlb olunub.
Hadisənin hansı şəraitdə baş verməsi araşdırılır.
İlkin Rzayev
***
09.53
Fövqəladə Hallar Nazirliyinin "112" qaynar telefon xəttinə Lənkəran rayonunun Horavenc kəndində meşəlik ərazidə 1 nəfərin itkin düşməsi barədə məlumat daxil olub.
Nazirliyikdən APA-ya verilən xəbərə görə, məlumatla əlaqədar, FHN-in Cənub Regional Mərkəzinin xilasetmə qüvvələri itkin düşməsi ehtimal edilən 1970-ci il təvəllüdlü İlham Hüseynovun axtarış işlərinə cəlb olunub.
Hazırda vətəndaşın itkin düşdüyü ehtimal edilən istiqamətlər üzrə axtarışlar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
