Dekabrın 22-də saat 22 radələrində Sumqayıt şəhəri 42-ci məhəllə ərazisində 15 yaşlı yeniyetmənin ayaq nahiyəsinə kəsici alətlə yüngül xəsarət yetirilməsi barədə polisə məlumat daxil olub.
DİN-in Mətbuat Xidmətinin əməkdaşı polis leytenantı Elbrus İbrahimov APA-ya bildirib ki, polis əməkdaşlarının keçirdikləri tədbirlərlə əməli törətməkdə şübhəli bilinən onun həmyaşıdı müəyyən olunub.
Hazırda ərazi üzrə polis orqanında təhqiqat araşdırması aparılır.
Sumqayıt Tibb Mərkəzindən APA-ya bildirilib ki, 2009-cü il təvəllüdlü şəxs (kişi cinsli) dekabrın 22-də saat 16:10 radələrində Sumqayıt Tibb Mərkəzinin Uşaq Xəstəxanasına hospitalizasiya olunub.
Sol budun açıq yarası diaqnozu təyin edilən şəxsə xəstəxananın Təcili yardım şöbəsində zəruri tibbi yardım göstərilib və ambulator müalicə üçün evə buraxılıb
***
08:23
Sumqayıtda 15 yaşlı gənc oğlan bıçaqlanıb.
APA xəbər verir ki, hadisə 42-ci məhəllədə qeydə alınıb.
Belə ki, 2009-cu il təvəllüdlü K. Q. münaqişə zamanı tanışı tərəfindən bıçaqlanıb.
Xəsarət alan 15 yaşlı yeniyetmə xəstəxanaya yerləşdirilib.
Fakt araşdırılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
