"Artıq bir həftədir ki, Laçındayıq. Bölmələrimiz Laçın şəhərini Zabux və Sus kəndlərini tam nəzarətə götürüb".
Bunu APA-nın Laçına ezam olunan müxbirinə açıqlamasında hərbi polisin kiçik çavuşu Nurlan Tağıyev deyib.
O bildirib ki, qarşıya qoyulan tapşırıqları qürurla icra edirlər: "Sevinirəm ki, müddətdən artıq xidmət edən hərbi qulluqçu kimi, mənə də Laçın şəhərində olmaq, burada xidmət etmək nəsib olub. Xidmət yoldaşlarımla birlikdə komandirlərimizin rəhbərliyi altında gündəlik fəaliyyətləri icra edirik. İlk gündən burada yeni qurulan stasionar və səyyar postlarda sutkalıq xidmət təşkil olunub. Hərbi polis şəxsi heyəti olaraq buraxılış rejiminə, nizam intizama, həmçinin, xidmət və döyüş növbətçiliyi zamanı günün nizam qaydalarına düzgün əməl edilməsinə nəzarət edirik. Nəzarət-buraxılış məntəqələrində patrul xidməti həyata keçirir, obyektləri mühafizə edir, əraziyə daxil olan texnikaların uçotunu aparır, hərbi maşınların hərəkəti istiqamətləndirir, həm də təhlükəsizlik məqsədilə kolonları müşayiət edirik. Üzərimizə düşən vəzifələri lazımınca icra etmək üçün səylə çalışırıq".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
