Azərbaycanla Böyük Britaniya arasında hərbi əməkdaşlıq sahəsində geniş imkanlar var. Düşünürəm ki, biz bu sahədə Azərbaycana təlimlər/treninqlərlə yardım edə bilərik.
APA xəbər verir ki, bunu Azərbaycanda səfərdə olan Böyük Britaniyanın Şimali Amerika və Avropa regionu üzrə dövlət naziri Leo Dokerti jurnalistlərə açıqlamasında bildirib.
“Biz həmişə bu yanaşmanı dəstəkləmişik ki, yaxşı təhlükəsizliyə müttəfiqlik etməklə nail olmaq olar. Bu gün sahil-mühafizə sahəsində rəsmilərlə görüşdüm, bu sahədə olanlar çox təsirli imkanlara və qabiliyyətlərə malikdir. Düşünürəm ki, bu sahədə daha çox təlimlər üçün geniş imkanlar var”, - nazir vurğulayıb.