Bakı. Fərid Mirzəyev – APA. Dövlət Sərhəd Xidmətinin (DSX) rəisi, general-polkovnik Elçin Quliyev 17-20 fevral tarixlərində Misirdə səfərdə olub.
DSX-nın mətbuat mərkəzindən APA-ya verilən məlumata görə, səfər zamanı Sərhəd Qoşunlarının komandanı E. Quliyev Misir Silahlı Qüvvələrinin Baş komandanı, müdafiə və hərbi sənaye naziri, general-polkovnik Sidqi Sübhi, daxili işlər naziri Məhəmməd İbrahim, hərbi sənaye üzrə dövlət naziri İbrahim Yunis, Sərhəd Mühafizəsi Qüvvələrinin komandanı general-mayor Əhməd İbrahim ilə görüşlər keçirib.
Müzakirələrdə ölkələr arasında münasibətlərin uğurla inkişaf etməsi vurğulanıb. Təhlükəsizlik sahəsində Azərbaycanla Misirin müvafiq qurumları arasında əlaqələrin perspektivləri və inkişafı, o cümlədən hərbi-texniki istiqamətdə əməkdaşlığın yaradılması və genişləndirilməsi məsələləri nəzərdən keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
