Bakı. Hafiz Heydərov - APA. Ədliyyə Nazirliyinin Penitensiar Xidmət əməkdaşlarının peşə hazırlıqlarının təmin olunması, müəyyən olunmuş normativlərə riayət etmələrinə nəzarətin gücləndirilməsi məqsədilə atəş hazırlığı üzrə məşğələ keçirib.
Penitensiar Xidmətin İctimaiyyətlə əlaqələr şöbəsindən APA-ya verilən məlumata görə, məşğələdə xidmətin Mühafizə Alayının mütəxəssisləri iştirak edib. İlk dəfə olaraq avtomat silahdan atəş hazırlığına həsr olunan məşğələ təhlükəsizlik qaydalarına ciddi əməl olunmaqla müvəffəqiyyətlə başa çatdırılıb.