Bakı. Rəşad Süleymanov – APA. Rusiya bu il ərzində Xəzər donanmasının tərkibinə 4 ədəd 23370 layihəli çoxfunksiyalı hərbi kater daxil edəcək. APA-nın Rusiya Müdafiə Nazirliyinin saytına istinadən verdiyi məlumata görə, yaxın vaxtlarda katerlərin dövlət sınaqları başlanacaq. Katerlərin cari ilin birinci yarısında istifadəyə qəbulu gözlənilir.
Katerlər qurulmuş avadanlıqlardan asılı olaraq dalğıc, axtarış-xilasetmə, yanğın söndürmə və ya ekoloji kater kimi müxtəlif təyinatlar üzrə istifadə oluna bilər. Katerin sürəti 10 mil, üzmə uzaqlığı 200 mildir.
Qeyd edək ki, Rusiya HDQ-nin Xəzər flotiliyası üçün Həştərxandakı gəmiqayırma zavodunda ümumilikdə 23370 layihəli dörd kateri tikilib. Birinci çoxfunksiyalı modulyar katerin sınaqları 2014-cü ilin dekabr ayında yekunlaşıb və katerin yaxın vaxtlarda silahlanmaya qəbulu gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
