Bakı. APA. Azərbaycanda səfərdə olan Türkiyə Müdafiə Sənayesi Katibliyinin (SSM) nümayəndə heyəti bu gün DİN Daxili Qoşunlarının Baş İdarəsində olub. APA-nın məlumatına görə, görüşdə Azərbaycan tərəfinə türk firmalarının mövcud layihələri barədə məlumatlar verilib, əməkdaşlıq məsələləri müzakirə olunub.
Nümayəndə heyətində SSM ilə yanaşı Türkiyənin müdafiə sənayesində fəaliyyət göstərən bir sıra firmaların nümayəndələri təmsil olunublar.
Nümayəndə heyətinə SSM-in beynəlxalq əməkdaşlıq idarəsinin müdiri Lütfi Varoğlu rəhbərlik edib.
Nümayəndə heyəti iyunun 11-də Bakıya gəlib. Səfər çərçivəsində Türkiyə heyəti Müdafiə Nazirliyi, Müdafiə Sənayesi Nazirliyi, Fövqəladə Hallar Nazirliyi, Dövlət Sərhəd Xidməti və Daxili Qoşunlarda olub.
Səfər bu gün başa çatıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
