Sentyabr ayının 13-də erməni silahlı qüvvələrinin təxribatı nəticəsində şəhid olmuş Dövlət Sərhəd Xidmətinə məxsus “N” saylı hərbi hissədə müddətdən artıq xidmət keçən hərbi qulluqçu, baş çavuş, 1990-cı il təvəllüdlü Rəhimov Təbriz Rəhim oğlu Gülövşə kəndində torpağa tapşırılıb.
APA-nın yerli bürosunun xəbərinə görə, dəfn mərasimində Yevlax Şəhər İcra Hakimiyyətinin başçısı Anar Tağıyev, Milli Məclis sədrinin I müavini, Milli Məclisin deputatı Əli Hüseynli, Milli Məclisin deputatı İlham Məmmədov, Dövlət Sərhəd Xidməti Akademiyasının rəisi general mayor Aqil Babayev şəhidin yaxınları, rayon ictimaiyyətinin nümayəndələri, şəhidin yaxınları iştirak edib.
Şəhid anadan olduğu Yevlax rayonunun Gülövşə kəndində yaylım atəş sədaları altında torpağa tapşırılıb.
Qeyd edək ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib. Bu əməllərin qarşısının dərhal alınması məqsədilə Azərbaycan Ordusunun bölmələri tərəfindən görülən təxirəsalınmaz tədbirlər nəticəsində döyüş toqquşması baş verib. Nəticədə Azərbaycan Ordusunun şəxsi heyət arasında itkilər var, hərbi infrastruktura ziyan dəyib. Təxribata cavab nəticəsində ilkin məlumata görə, Ermənistan tərəfi 150-200 hərbçi itirib, yaralıların sayı bundan bir neçə dəfə çoxdur.
Habil Aslanoğlu
Şəhid əsgər Qasımov Rəşad Ənvər oğlu bu gün Cəlilabadda torpağa tapşırılıb.
APA-nın cənub bürosunun verdiyi xəbərə görə, Ermənistan silahlı qüvvələrinin bölmələri tərəfindən törədilən təxribat nəticəsində şəhid olan Rəşad Qasımov doğulduğu Alar kəndində dəfn edilib.
Onunla doğulduğu evdə vida mərasimi keçirilib və vida mərasimindən sonra şəhid doğulduğu kənddə torpağa tapşırılıb.
Dəfn mərasimində Dövlət himni səslənib. Şəhidin xatirəsinə ehtiram olaraq havaya yaylım atəşi açılıb.
Qeyd edək ki, şəhid Rəşad Qasımov subay idi.
İlkin Rzayev
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
