Bakı. Cavid Zeynallı - APA. Fevralın 11-də Akademik Milli Dram Teatrında Mədəniyyət və Turizm Nazirliyinin təşkilatçılığı ilə görkəmli aktyor, əməkdar artist Səməndər Rzayevin xatirə gecəsi keçiriləcək. Mədəniyyət və Turizm Nazirliyindən APA-ya verilən məlumata görə, xatirə gecəsində aktyorun rola aldığı filmlərdən fraqmentlər nümayiş olunacaq, sənət dostlarının xatirələri dinləniləcək.
Qeyd edək ki, S. Rzayev 1945-ci ildə Ağsu rayonunda anadan olub. 1964 -1968-ci illərdə Azərbaycan Dövlət Teatr İnstitutunun aktyorluq fakültəsində təhsil alıb.
Yaradıcılıq fəaliyyətinə Azərbaycan Dövlət Akademik Milli Dram Teatrında başlayan S.Rzayev burada müxtəlif tamaşalarda rol alıb.
S. Rzayev teatr fəaliyyəti ilə yanaşı “Evləri köndələn yar” televiziya tamaşasında, “Babamın babasının babası”, “Od içində”, “Babək”, “Bəyin oğurlanması” və başqa bədii filmlərdə çəkilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
