Bakı. Cavid Zeynalov – APA. I Bakı Beynəlxalq Memarlıq Mükafatı Müsabiqə çərçivəsində Beynəlxalq Memarlar İttifaqının rəhbər şəxslərindən ibarət nümayəndə heyəti və MDB ölkələrinin memarlar ittifaqlarının sədrləri Azərbaycana səfər edəcəklər.
Mədəniyyət və Turizm Nazirliyindən APA-ya verilən məlumata görə, Beynəlxalq Memarlar İttifaqının nümayəndə heyətinə təşkilatın baş katibi, I Bakı Beynəlxalq Memarlıq Müsabiqəsinin Münsiflər heyətinin sədri Mişel Barmaki rəhbərlik edəcək. Nümayəndə heyətinə BMİ-nin sabiq prezidenti Vassilis Sgoutas və vitse-prezidentlər - Tomas Voiner və Hayder Ali daxildir. Münsiflər heyətinin üzvləri sırasında Azərbaycan Memarlar İttifaqının sədri Elbəy Qasımzadə də təmsil olunacaq.
Nazirlikdən bildiriblər ki, Beynəlxalq Münsiflər Heyətinin iclasları 1-2 noyabr tarixində keçiriləcək və müsabiqəyə təqdim olunan 300-dən artıq iş arasından qaliblər müəyyən ediləcək. Yeddi müxtəlif nominasiya üzrə ilk üç yeri tutmuş qaliblərin təntənəli mükafatlandırılması noyabrın 3-də olacaq.
Tədbir günlərində müsabiqə işlərinin sərgisi fəaliyyət göstərəcək, müsabiqənin yekununda təqdim edilən bütün layihələrdən ibarət xüsusi kataloq nəşr olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
