Bakı-APA. Azərbaycan Respublikasının Macarıstandakı səfirliyi tanınmış yazıçı, millət vəkili Aqil Abbasın Dağlıq Qarabağda erməni işğalçılarına qarşı mübarizədən bəhs edən “Dolu” romanının motivləri əsasında çəkilmiş eyni adlı filmin Budapeştdə nümayişini təşkil edib.
Bu barədə APA-ya səfirlikdən məlumat verilib. Tədbirdə çıxış edən səfir Vilayət Quliyev Dağlıq Qarabağ münaqişəsi, onun ölkəmizə vurduğu böyük maddi və mənəvi zərər, iyirmi ildən bəri işğal altında qalan Azərbaycan torpaqları, qaçqınlar problemi barəsində məlumat verib. Ssenari müəllifi, yazıçı Aqil Abbas son illər Azərbaycan kinosunun uğurlu nümunələrindən sayılan “Dolu” filmi üzərindəki yaradıcı işdən danışıb. Filmin nümayişində Macarıstan Parlamentinin üzvləri, diplomatlar, media təmsilçiləri, yaradıcı adamlar, Azərbaycan diasporunun və macar ictimaiyyətinin nümayəndələri iştirak ediblər.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
