Bakı. Cavid Zeynalov – APA. Aprelin 29-da Nizami Kino Mərkəzində görkəmli ictimai-siyasi xadim, Azərbaycan Xalq Cümhuriyyətinin yaradıcılarından biri və Parlamentinin ilk sədri Əlimərdan bəy Topçubaşovun anadan olmasının 150 illik yubileyinə və siyasi fəaliyyətinə həsr olunmuş "Parisdən məktublar" sənədli filminin təqdimatı olacaq.
Mədəniyyət və Turizm Nazirliyindən APA-ya verilən məlumata görə, nazirliyin sifarişi ilə "Salnamə" studiyasında çəkilən filmin quruluşçu rejissoru Tahir Əliyev, ssenari müəllifi İntiqam Qasımzadədir.
Ekran əsərinin çəkilişləri Moskva, İstanbul, Bakı, Sankt-Peterburq şəhərlərində aparılıb.