Bakı. Cavid Zeynalov - APA. Azərbaycan Bəstəkarlar İttifaqının (ABİ) sədri, xalq artisti Firəngiz Əlizadənin əsərləri məşhur amerikan bəstəkarı Con Keycin anadan olmasının 100 illiyinə həsr edilən “Mega-music” layihəsi çərçivəsində hazırlanan «Cage-100» əsərlərinin siyahısına daxil edilib.
ABİ-nin mətbuat xidmətindən APA-ya verilən məlumata görə, layihə çərçivəsində 50 bəstəkar olmaqla Almaniyanın və Amerikanın 100-dək tanınmış bəstəkarlarının iştirakı ilə hazırlanan «Cage-100» əsərinin özəlliyi hər bəstəkarın öz üslubunu saxlamaqla özündən əvvəlki bəstəkarın not sətirlərini davam etdirməsidir: “Layihənin Nyu-York, Leypsiq, Berlin və başqa şəhərlərdə premyerası keçirilib. Əsərin əlyazması isə nəfis şəkildə nəşr edilib və layihədə iştirak edən bəstəkarlara hədiyyə olunub. Firəngiz Əlizadə layihədə 88-ci sırada qərarlaşıb. Sözügedən layihənin Fransada həyata keçirilməsi planlaşdırılır”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
