Bakı. Cavid Zeynalov - APA. Aprelin 6-da Azərbaycan Dövlət Gənc Tamaşaçılar Teatrının kollektivi Həştərxan vilayəti və Kalmık Respublikasına qastrol səfərinə yola düşəcək.
Teatrdan APA-ya verilən məlumata görə, 25 nəfərlik nümayəndə heyəti səfər çərçivəsində P.Turrininin “Axır ki...”, Y.Şvartsın “Qırmızı papaq” və R.Ağayevin “Bir gecənin nağılı” tamaşaları ilə çıxış edəcək.
Aprelin 8-9-da Həştərxan Dövlət Gənc Tamaşaçılar Teatrında start götürəcək qastrol səfəri, aprelin 11-dən 13-dək Kalmık Respublikasının Elista şəhərində yerləşən B.Basanqov adına Milli Dram Teatrında davam edəcək.
3 teatrın direktorları arasında imzalanmış yaradıcılıq müqaviləsinə əsasən həyata keçiriləcək qastrol səfəri aprelin 15-də yekunlaşacaq.
Teatrdan bildiriblər ki, Azərbaycan Dövlət Gənc Tamaşaçılar Teatrı səfərdən sonra bu ilin may ayında Kalmık Milli Dram Teatrını qəbul edəcək.
Qastrol səfərləri Mədəniyyət və Turizm Nazirliyinin dəstəyi ilə reallaşacaq.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
